सिरहाका भूमिहीन दलितलाई खेती गर्न हाते ट्याक्टर

सिरहाको नवराजपुर गाउँपालिकाले भूमिहीन दलित समुदायलाई कृषिमा आत्मनिर्भर बनाउने उद्देश्यले १२ वटा हाते ट्याक्टर प्रदान गरेको छ। यो वितरण 'एकीकृत जीविकोपार्जन तथा कृषि सुधार परियोजना' अन्तर्गत भएको हो। परियोजनाले गाउँपालिकाका पाँच वडाका ३८ कृषक समूहमध्ये १२ वटा समूहलाई यो सहयोग पुर्‍याएको छ। यस कार्यमा गाउँपालिका, दलित जनकल्याण युवा क्लब र मेनोनाइट सेन्ट्रल कमिटीले सहकार्य गरेका छन्।

यस पहलले भूमिहीन दलित परिवारको कृषि उत्पादन क्षमता बढाएर उनीहरूको आर्थिक अवस्था सुधार्न मद्दत गर्नेछ।