जेनेभामा श्रममन्त्री यादवको यूएई, पोर्चुगल र जापानका मन्त्रीसँग भेट

जेनेभामा जारी ११४ औं अन्तर्राष्ट्रिय श्रम सम्मेलनमा सहभागी भएका युवा, श्रम तथा रोजगारमन्त्री रामजी यादवले विभिन्न देशका समकक्षीहरूसँग भेटवार्ता गरेका छन्। सम्मेलनको मुख्य सत्र सम्पन्न भएपछि मन्त्री यादवले संयुक्त अरब इमिरेट्स (यूएई)का मानव संसाधन तथा इमिरातीकरण मन्त्री डा. अब्दुल रहमान अब्दुलमनान अल अवारसँग छलफल गरेका छन्। यसका साथै, उनले पोर्चुगल र जापानका श्रम मन्त्रीहरूसँग पनि द्विपक्षीय हितका विषयमा कुराकानी गरेका छन्।

यस भेटवार्ताले अन्तर्राष्ट्रिय श्रम सम्मेलनको अवसरमा नेपालको श्रम क्षेत्रमा द्विपक्षीय सहकार्यको सम्भावनालाई उजागर गरेको छ।