बास्केटबल संघ र लिनिङ सम्झौता नविकरण, जर्सी पनि सार्वजनिक

नेपाल बास्केटबल संघ (नेबा) ले चिनियाँ खेलकुद सामग्री उत्पादक कम्पनी लिनिङसँग आफ्नो प्रायोजन सम्झौता नवीकरण गरेको छ। बिहीबार भएको यो सम्झौताले सन् २०२२ मा भएको चार वर्षे सम्झौतालाई निरन्तरता दिनेछ। यस नवीकरणसँगै राष्ट्रिय बास्केटबल टिमको नयाँ जर्सी पनि सार्वजनिक गरिएको छ।

लि-निङ नेपालको आधिकारिक बिक्रेता चाइना ट्रेडिङ कम्पनी (सिटिसी) सँगको यो सम्झौताले आगामी चार वर्षका लागि दुई पक्षबीचको सहकार्यलाई सुनिश्चित गरेको छ। यसले नेपाली बास्केटबलको विकासमा थप सहयोग पुग्ने अपेक्षा गरिएको छ।

यो सम्झौताले नेपाली बास्केटबल खेलको पूर्वाधार र खेलाडीहरूको लागि निरन्तर सहयोग सुनिश्चित गर्दछ।