İsraillə münaqişədə Livan iqtisadiyyatına dəyən ziyanın həcmi açıqlandı

İsraillə münaqişə Livan iqtisadiyyatına milyardlarla dollar ziyan vurub və ölkəni iqtisadi inkişafda geridə qoyub.

Bunu mediaya açıqlamasında Livanın iqtisadiyyat naziri Əmir əl-Bəsat bildirib.

Nazir bildirib ki, müharibə, xüsusən də ölkənin cənubunda genişmiqyaslı dağıntılara səbəb olub. Zərərin 20 milyard dollar olduğu təxmin edilir.

Əl-Bəsətin sözlərinə görə, ölkə iqtisadiyyatı da əhəmiyyətli itkilərə məruz qalıb. Məsələn, Livan iqtisadiyyatı böhrandan əvvəlki səviyyə ilə müqayisədə təxminən yarıya qədər, 55-57 milyard dollardan təxminən 32 milyard dollara qədər kiçilib.

Əl-Basat əlavə edib ki, müharibə nəticəsində müəssisələr və fabriklər bağlanıb, kənd təsərrüfatı torpaqlarının təxminən 28%-i artıq məhsul vermir. Nazir qeyd edib ki, bundan əlavə, münaqişə turizm sektoruna ciddi zərbə vurub və itkilər ölkənin ÜDM-nin təxminən 7%-nə bərabər olan 2 milyard dollar təşkil edib.