ФОТО | Скандал во Бразил стана хит на интернет — стауата на Дева Марија доби црвен кармин и испакнати очи

Катастрофалната аматерска реставрација на познати религиозни скулптури предизвика бес и огорчување во Бразил , откако статуите на светците беа оставени да изгледаат како цртани ликови со прекумерна шминка. Лошо изведените дела ги оставиле Дева Марија, Исус Христос и други скулптури прикажани со изразито подигнати веѓи, испакнати очи, густи трепки и интензивно црвени усни , пренесе „Дејли мејл“ . Disastrous restoration of celebrated religious sculptures sparks outrage in Brazil as Virgin Mary given lipstick and bulging eyes Religious sculptures depicting scenes from the Passion of Christ at the Calvary monument in Carmo do Cajuru Brazil underwent a botched restoration… pic.twitter.com/uju7xjpKY3 — Grifty (@TheGriftReport) June 16, 2026 Обновувањето на статуите предизвика жестоки критики од локалното население, кое работата ја оцени како непочитување на религиозното наследство и крајно непрофесионален пристап. Скулптурите, кои прикажуваат сцени од Христовото страдање , со текот на времето претрпеле оштетувања поради изложеност на временските услови. Парохијата нарачала работи за одржување, но пристапот на избраниот сликар, кој користел многу впечатливи бои и стил, ја шокираше заедницата и брзо стана вирален на интернет. Религиозните статуи на споменикот Калварија, кој се наоѓа на плоштадот Прака до Крузеиро во градот Кармо до Кахуро , во меѓувреме се ослободени од новиот слој боја и повторно се покриени. Жителите споделиле фотографии од споменикот пред и по реставрацијата на социјалните мрежи, а објавите набрзо се проширија низ интернет. Парохијата потоа била преплавена со поплаки од граѓани. Многумина ги опишале насликаните лица како „уништување на културното наследство“, со коментари како: „Исус го нацртале со целосно искривено око“ и „каква грда глетка“. Како одговор на критиките, парохијата Носа Сењора до Кармо и нејзиниот Пасторален совет ја отстраниле свежата боја истиот ден и ги вратиле скулптурите во нивниот оригинален бел изглед. Црковните претставници ја признале грешката во официјално соопштение, наведувајќи дека резултатот „предизвикал непријатност кај многу верници и жители“. „Историските скулптури беа сериозно оштетени со текот на времето, но нам конечниот визуелен резултат од оваа интервенција никако не ни се допадна. Цртите на лицето беа насликани сосема погрешно, поради што веднаш презедовме чекори за сè да вратиме во неговата првична состојба“, навела парохијата. Претставниците на црквата одбиле да го откријат името на лицето или компанијата одговорна за работата, повикувајќи се етичките причини. Парохијата сега покренала потрага по квалификуван експерт за реставрација на светата уметност за да изврши соодветни конзерваторски работи на оштетените делови. Локалниот совет нагласил дека не е вклучен во проектот и ги потсетил жителите дека секоја работа на јавен имот бара претходна дозвола. „Одржувањето и сликањето на овие религиозни слики не е договорено, одобрено или побарано од општината“, додала парохијата. Сè уште не е даден временски рок за специјализираната реставрација. The post ФОТО | Скандал во Бразил стана хит на интернет — стауата на Дева Марија доби црвен кармин и испакнати очи appeared first on Слободен печат .