Farg‘onada yong‘in oqibatida 2 kishi halok bo‘ldi.

Ijtimoiy tarmoqlarda Farg‘onada choyxona yonayotgani aytilgan video tarqaldi. FVV xabariga ko‘ra, 16 iyun kuni kechqurun ro‘y bergan hodisa oqibatida noturar joy binosi va uchta avtomobil yong‘in ichida qolgan, 2 kishi halok bo‘lib, 3 kishi jabrlangan.

16 iyun kuni kechqurun Farg‘ona viloyatining Yozyovon tumani Soy bo‘yi mahallasida yirik yong‘in sodir bo‘ldi.

Ijtimoiy tarmoqlarda tarqalgan videoda choyxona yonib ketgani aytiladi.

Favqulodda vaziyatlar vazirligi ma’lumotlariga ko‘ra, noturar qarovsiz binoning 60 kvadrat metr maydoni va 3 ta avtomobil – Labo, Hyundai va Mercedes-Benz yonib zararlangan.

Hodisa oqibatida ikki kishi halok bo‘ldi, uch kishi esa turli darajadagi tan jarohatlari oldi.

Hozirda yong‘in sabablari aniqlanmoqda. Voqea joyiga viloyat Favqulodda vaziyatlar boshqarmasi hamda tuman xizmatlari rahbariyati yetib borgan.