Поради санирање на дефект, во сабота ќе има целодневен прекин на вода во повеќе населби низ Скопје

Од ЈП „Водовод и канализација“ информираат дека поради санација на дефект на кејот на Вардар и на булеварот „Крсте Петков Мисирков“, во сабота, на 20 јуни, речиси цел ден без вода ќе останат поголем број улици и објекти во општините Центар, Чаир и Гази Баба. Имено, како што соопштија од претпријатието, прекинот ќе биде од 09:00 часот па сè до 22:00 часот, а без вода ќе останат објектот на МАНУ, Основен Суд 2, Младински културен центар, Универзитетска библиотека, Универзитет Св. „Кирил и Методиj”, ТЦ „Мавровка“, дел од Турска чаршија, Саат кула, потоа улиците „Петар Ѓеоргиев“, „Отокар Кершовани“, „Адвокатска“, дел од булеварот „Крсте Петков Мисирков“, населбата Крњево, Македонска телевизија и ТЦ „Ист Гејт“. Исто така, можност за прекин или намален притисок на водата ќе имаат и дел од жителите на Автокоманда, односно на ниската зона до населбата Камник. The post Поради санирање на дефект, во сабота ќе има целодневен прекин на вода во повеќе населби низ Скопје appeared first on Слободен печат .