ВИДЕО | Автобус целосно изгоре на пат во Хрватска, возачот се спасил „за влакно“

Автобус утрово се запали кај хрватскиот град Бјеловар, а возачот во паника успеал да излезе надвор и да се спаси, пренесува „Вечерњи лист“ . Кога избувнал пожарот, во автобусот бил само возачот, кој успеал навреме да избега и не е повреден, соопшти полицијата. Пламенот брзо го зафатил возилото, но пожарникарите за кратко пристигнале на местото на настанот. Пожарот бил изгаснат, а државниот пат низ бјеловарската приградска населба Рајиќ бил затворен за сообраќај. Причината за пожарот засега не е позната. „Пожарот почна од покривот, отпрво имаше мал пламен. Возачот шеташе околу автобусот, не знаеше што да прави. Ги повикав пожарникарите. Возачот беше во паника“, изјавил сведок. Грција носи итни мерки против гужвите на граница — туристите привремено ќе влегуваат само со пасоши, како порано The post ВИДЕО | Автобус целосно изгоре на пат во Хрватска, возачот се спасил „за влакно“ appeared first on Слободен печат .