Haaland-scoringa fekk Bergen til å riste – slo ut på seismometeret

Den seismiske stasjonen i Bergen registrerte fleire gongar tydelege signal undervegs i Noregs VM-kamp mot Irak. Dei største utslaga kom då Erling Braut Haaland scora. Det opplyser forskingsinstituttet Norsar på sine sider. Den seismiske stasjonen er brukt til å måle rørsle under jordskjelv, men kan også slå ut når mange menneske bevegar seg samstundes. Åtte sentrale hendingar frå kampen er trekt fram: Avsparket, dei fire norske scoringane, Irak si scoring, Irak sitt gule kort og sluttsignalet. Men mest jubel var det då Haaland scora, opplyser forskingsinstituttet.