In da yaƙin Iran ya yi tsawo da an faɗa cikin bala'i - Trump
Wannan shafi ne da ke kawo muku abubuwan da ke faruwa a Najeriya da sauran sassan duniya na ranar Laraba 17 ga watan Yuni 2026.
Shugaban Amurka, Donald Trump, ya ce da yaƙin da Amurka da Isra'ila suka yi da Iran ya ɗauki lokaci mai tsawo, da duniya ta fuskanci mummunar matsalar tattalin arziki.
Trump ya bayyana hakan ne a ƙarshen taron ƙasashen G7, inda ya ce an riga an cimma yarjejeniyar kawo ƙarshen yaƙin, kuma ana sa ran sanya hannu a kanta a hukumance tun daga ranar Alhamis.
Ya bayyana yarjejeniyar a matsayin wata nasara ga Amurka, yana mai cewa ta taimaka wajen kauce wa illolin da za su iya biyo bayan ci gaba da rikicin.
Sai dai shugaban ya bayyana cewa akwai yiwuwar tattalin arzikin duniya ya shiga cikin wani "babban bala'i" in da ace yaƙin ya ci gaba da tsananta.
Trump ya kuma ce yarjejeniyar ta ƙunshi alkawarin cewa Iran ba za ta ƙera ko mallakar makamin nukiliya ba.
Tehran ta taɓa yin irin wannan alƙawari a wata yarjejeniya da aka cimma a lokacin mulkin tsohon shugaban Amurka, Barack Obama.
📌 Kaynak
Bu haber XML kaynağından derlenmiştir. Tamamı için orijinal habere gidin.
Orijinal haberi oku →