Спектакуларно прво полувреме помеѓу Хрватска и Англија: Два гола на Кејн, „коцкестите“ двапати израмнуваа

Одличен натпревар гледаме на теренот во Арлингтон, Далас, по првото полувреме резултат е 2:2 во битката меѓу фудбалските репрезентации на Англија и Хрватска на Светското првенство. Во 12 минута беше досуден пенал за Англичаните, Кејн не успеа во првиот обид, но од поправен ја испрати топката во хрватската мрежа. Во 36 минута „коцкестите“ успеаја да израмнат со прекрасниот погодок на Батурина по асистенцијата на Сучиќ. Кејн по вторпат се запиша во листата на стрелците во 42 минута кога највисоко скокна по изведениот корнер на Рајс. И непосредно пред паузата избраниците на селекторот Златко Далиќ се погрижија за нов егал на мечот преку Муса, откако правовремено асистираше Перишиќ (45+5`). The post Спектакуларно прво полувреме помеѓу Хрватска и Англија: Два гола на Кејн, „коцкестите“ двапати израмнуваа appeared first on Слободен печат .