„Прототип“ на Стоунхенџ е откриен на 5 километри од светски познатиот споменик

Археолозите открија постара и многу поедноставна верзија на Стоунхенџ, светски познатиот праисториски споменик во Англија, на околу 5 километри од споменикот, пишува Би-би-си . Од постарата структура останале само две дупки во земјата, но тимот археолози вели дека тие содржеле дрвени столбови кои биле порамнети со сонцето за време на летната и зимската краткодневица, најдолгите и најкратките денови во годината, на ист начин како и Стоунхенџ. Се верува дека локацијата, на околу 5 километри од познатиот споменик, е стара околу 5.000 години, што го прави 500 години постара од самиот Стоунхенџ. На локацијата се пронајдени и артефакти, вклучувајќи грнчарија, кремени алатки и животински коски, што укажува дека таму се собирале праисториски луѓе. Фил Хардинг од Археолошкото друштво „Весекс“, кој го водел ископувањето, рекол дека тоа е едно од најдобрите откритија во неговата долга кариера. – Двете столбни јами ми кажуваат многу за луѓето што живееле таму пред 5.000 години – рекол тој. Според него, тоа зборува за целата заедница, нивниот начин на размислување, нивното однесување и нивното почитување кон небото. Огромните камења во Стоунхенџ се прецизно поставени за да се усогласат со сонцето. Ако стоите во средината на кругот при изгрејсонце за време на летната краткодневица, можете да го видите сонцето како изгрева над камен, североисточно од кругот. Среде зимата, ако стоите во средината на кругот, можете да го видите сонцето како заоѓа над олтар југозападно од локацијата. Фото: Andrew Matthews / PA Images / Profimedia Структурата, откриена во селото Булфорд, е многу поедноставна конструкција составена од само два дрвени столба, кои одамна се распаднале. Тие биле поставени на 120 метри еден од друг и се проценува дека биле високи помеѓу 2 и 4 метри. Кога Хардинг ги открил чудните дупки во земјата, забележал дека тие изгледаат како да се усогласени со сонцето, исто како Стоунхенџ, кој се наоѓал на неколку километри оддалеченост. – Зедов молив и линијар и ги споив, и бев свесен дека некако тие укажуваат во општата насока на изгрејсонцето – открил тој. Траги од претходната структура биле пронајдени пред една деценија во Булфорд кога земјиштето било расчистено за нови воени станови, но дури сега е извршена детална анализа. Јамите што ги содржеле овие столбови не биле единственото откритие за време на ископувањето, бидејќи околу нив биле пронајдени десетици други јами што содржеле артефакти од праисториските жители на селото Булфорд. Предметите помогнале да се утврди староста на локацијата. Тимот научници користел радиојаглеродно датирање, кое испитува како одредена форма на јаглерод се менува со текот на времето, за да утврди дека структурата е стара 5.000 години. Меѓу артефактите биле откриени рог што се користел за копање, резбани животински коски и фино украсени фрагменти од керамика. Исто така, биле откриени алатки направени од кремен, вклучувајќи редок неолитски нож што бил заоблен во форма на диск. Споменикот Булфорд датира од истото време како и најраната фаза на активност во Стоунхенџ, кога првите земјени работи беа извршени половина милениум пред да бидат поставени камењата. – Откритието во Булфорд всушност сугерира дека можеби луѓето што ги изградиле првите фази од Стоунхенџ биле стационирани или живееле таму, или барем се собирале сезонски за да извршуваат градежни работи во Стоунхенџ- рекла кураторката по историја Џенифер Векслер. Мистеријa решена по 5000 години: Научниците конечно открија како всушност бил изграден Стоунхенџ The post „Прототип“ на Стоунхенџ е откриен на 5 километри од светски познатиот споменик appeared first on Слободен печат .