Brent markalı neftin qiyməti 76 dollardan aşağı düşüb

2026-cı ilin avqust ayında tədarükü nəzərdə tutulan "Brent" markalı neft üzrə fyuçerslərin qiyməti Londonun "ICE" birjasında 2 martdan bəri ilk dəfə olaraq bir barel üçün 76 ABŞ dollarından aşağı düşüb.

Moskva vaxtı ilə saat 07:01-ə olan məlumata görə, Brent markalı neftin qiyməti 1,48% azalaraq bir barel üçün 75,94 ABŞ dolları təşkil edib.

Saat 07:06-da isə "Brent" markalı neftin qiymətində azalma tempi zəifləyib və o, bir barel üçün 76,23 ABŞ dolları səviyyəsində ticarət olunub (-1,1%). Eyni zamanda, 2026-cı ilin avqust ayında tədarükü nəzərdə tutulan "WTI" markalı neft üzrə fyuçerslərin qiyməti 2,07% azalaraq bir barel üçün 72,33 ABŞ dollarına enib.