Polşa Azərbaycan iqtisadiyyatına investisiyalarını artırıb.

Bu ilin birinci rübündə Polşanın Azərbaycan iqtisadiyyatına birbaşa investisiyası 2,399 milyon dollar təşkil edib.

Bu barədə Azərbaycan Mərkəzi Bankı tərəfindən dərc edilmiş "2026-cı ilin birinci rübündə Azərbaycan iqtisadiyyatına cəlb edilmiş və xaricə yönəldilmiş xarici birbaşa investisiyalar" hesabatında bildirilir.

Hesabata görə, bu rəqəm 2,360 milyon dollar və ya ötən ilin eyni dövrü ilə müqayisədə 61,5 dəfə çoxdur.

Bundan əlavə, məlumatlar göstərir ki, hesabat dövründə Polşanın Azərbaycana qoyulmuş ümumi xarici birbaşa investisiyalarda payı 0,1% təşkil edib.

Qeyd etmək lazımdır ki, 2026-cı ilin birinci rübündə Azərbaycan iqtisadiyyatına qoyulmuş birbaşa xarici investisiya 1,720 milyard dollara çatıb. Bu, 2025-ci ilin eyni dövrü ilə müqayisədə 201,2 milyon dollar və ya 13,2% çoxdur.

Vurğulanır ki, eyni zamanda, Azərbaycandan xarici iqtisadiyyata birbaşa investisiyaların həcmi 1,11 milyard dollar təşkil edib ki, bu da ötən ilin eyni dövrü ilə müqayisədə 794,7 milyon dollar və ya 3,5 dəfə çoxdur.

Xatırladaq ki, Polşa Bank Assosiasiyasının (PBA) prezidenti Tadeuş Bialek əvvəllər Trend-ə verdiyi eksklüziv müsahibədə xalqlarımız arasında xoşməramlı münasibətlərin və qarşılıqlı hörmətin ölkələrimiz arasında iqtisadi əməkdaşlığın daha da inkişafı üçün əlverişli şərait yaratdığını bildirmişdi.

Onun sözlərinə görə, Polşa Bank Assosiasiyası ilə Azərbaycan Bank Assosiasiyası (ABA) arasında davamlı əməkdaşlıq 2024-cü ildə başlayıb.

"2024-cü ilin noyabr ayında kibertəhlükəsizlik və ödəniş sistemləri üzrə mütəxəssis olan Azərbaycan bankirləri üçün təlim səfəri təşkil etdik. İki həftə sonra, 2024-cü ilin dekabr ayının əvvəlində ABA-nın baş direktoru Yunus Abdulovun Polşaya səfəri zamanı Əməkdaşlıq və İkitərəfli Əlaqələrin İnkişafı haqqında Memorandum imzaladıq. 2025-ci ilin oktyabr ayında ABA-nın daha bir nümayəndə heyətini - bu dəfə pərakəndə bankçılıq və bank sığortası üzrə mütəxəssisləri qəbul etdik və onlar üçün xüsusi proqramla təlim səfəri də təşkil edildi", - deyə o bildirib.

ABA prezidenti qeyd edib ki, Polşa Bank Assosiasiyasından nümayəndə heyətləri 2024 və 2025-ci illərdə Bakıya səfər ediblər.

O, Polşa və Azərbaycan bank assosiasiyaları arasında tərəfdaşlığın inkişafını müsbət qiymətləndirdiyini qeyd edib.

T.Bialekin dediyi kimi, iki assosiasiya arasında təcrübə mübadiləsi üçün birgə işçi qrupları və ya daimi platformalar hələ yaradılmayıb.

"Əvvəlcə hər iki assosiasiyanın fəaliyyət dairəsini, eləcə də ölkələrin bank sistemlərinin xüsusiyyətlərini daha da öyrənmək lazımdır. Azərbaycanın bank sistemi qabaqcıl texnoloji həllərdən istifadə edərə