Belarus krossoverini alanlara suvenir hədiyyə olunacaq

Belarus avtomobil istehsalçısı "Belgee" X70 orta ölçülü krossoverinin 50.000 ədəd istehsalını həyata keçirdiyini açıqlayıb.

Xarici media yazır ki, krossover tezliklə "Belgee"nin rəsmi dilerlərindən birinə çatacaq və istənilən alıcı istehsalçının baş direktorundan məktub və brend suvenirlər alacaq.

"Belgee" X70 iki ildən çoxdur ki, Belarus avtomobil zavodunda istehsal olunur. Zavoddan verilən məlumata görə, modelə təkcə fərdi sürücülər arasında deyil, həm də iri korporativ müştərilər arasında davamlı tələbat var.

Ötən ilin sentyabr ayında X70 yenilənib. "Belgee" avtomobil zavodunun rəhbəri Gennadi Sviderski bildirib ki, şirkət istehsal proseslərini təkmilləşdirməyə və model çeşidini genişləndirməyə davam edir.

Krossoverin qiyməti təxminən 31 min ABŞ dollarından başlayır.