ВИДЕО | Тетовец фрлаше вреќи со отпад во реката Пена — полицијата го најде и го уапси

Јавното комунално претпријатие „Тетово“ објави видео на кое се гледа како човек фрла вреќи во реката Пена, а потоа бега кон својот автомобил. Претпријатието веднаш го осуди овој чин, видеото се прошири по социјалните мрежи, по што реагираше полицијата и го уапси тетовецот. „На 30.06.2026 во 18:00 часот на улица ‘Љубо Божиновски Пиш’ во Тетово, полициски службеници од СВР Тетово го лишија од слобода Б.С. (54) од Тетово, поради постоење основи на сомнение за сторено кривично дело ‘загадување на животната средина и природата’ казниво по член 218 од КЗ. По претходно објавено видео на социјалните мрежи, на кое се гледа како лице кое дошло со патничко возило ‘цитроен’ со тетовски регистарски ознаки, фрла вреќи со непознат отпаден материјал во реката Пена, во близина на улица ‘Видоје Смилевски- Бато’, СВР Тетово презеде соодветни мерки и активности и го пронајде сторителот, кој во службен разговор го призна делото. Известен е јавен обвинител и по целосно документирање на случајот, против Б.С. ќе биде поднесен соодветен поднесок“, информираа од МВР. Полјак уапсен во Охрид – пијан правел проблеми во кафеана The post ВИДЕО | Тетовец фрлаше вреќи со отпад во реката Пена — полицијата го најде и го уапси appeared first on Слободен печат .