ဇွန် ၆ ရက် နိုင်ငံတဝန်းသတင်းများ အနှစ်ချုပ် - အိန္ဒိယမှာ အလုပ်အကိုင်ရှားပါးလို့ ဒေလီမှာ လူငယ်တွေ ဆန္ဒပြ
ကုလသမဂ္ဂ၊ အာဆီယံ၊ လန်ချန်း-မဲခေါင် ပူးပေါင်းဆောင်ရွက်မှု စတဲ့ နယ်ပယ်စုံမှာ တရုတ်နဲ့ ပိုပြီးပူးပေါင်းနိုင်ဖို့ မျှော်လင့်ကြောင်း နေပြည်တော်ဘက်က ပြောခဲ့တဲ့အကြောင်းအပါအဝင် နိုင်ငံတဝန်းနဲ့ ကမ္ဘာတလွှားထူးခြားသတင်းတွေကို စုစည်းတင်ဆက်ပေးနေပါတယ်။
အိန္ဒိယ နိုင်ငံမှာ အလုပ်အကိုင် ရှားပါးမှုကို ဆန္ဒပြတဲ့ လူငယ်တွေရဲ့ စုစည်း လှုပ်ရှားမှု တစ်ခု ပြီးခဲ့တဲ့ မေလ ကတည်းက အွန်လိုင်းပေါ်မှာ ကျယ်ကျယ်ပြန့်ပြန့် စရှိ လာခဲ့ပြီးတဲ့နောက်၊ အခုဆိုရင် ဒေလီမြို့တော်မှာပါ ပထမဆုံး အကြိမ် စုဝေး ချီတက် တာတွေ ပြုလုပ်တော့မယ် ဆိုပြီး အဲဒီ လှုပ်ရှားမှုကို ဦးဆောင်သူက ဆိုပါတယ်။
ဒီ လှုပ်ရှားမှုဟာ လက်ရှိ အာဏာရပါတီ BJP ကို သရော်ပြီး "Cockroach Janta Party" (CJP) ဆိုတဲ့ နာမည် ခံထားပါတယ်။ အဓိပ္ပာယ်ကတော့ ပိုးဟပ်ပြည်သူ့ပါတီ ဖြစ်ပါတယ်။
သူတို့ရဲ့ အွန်လိုင်းပေါ်က ပို့စ်တွေကိုတော့ အာဏာပိုင်တွေက ဖျက်ပစ်လို့ ရရင် ရမယ်၊ သူတို့ လှုပ်ရှားမှုကိုတော့ လုံးဝ ကွယ်ပျောက်သွားအောင် လုပ်လို့ရမှာ မဟုတ်ဘူးလို့ ဒီလှုပ်ရှားမှုကို ဦးဆောင်သူ အာဘီးဂျိ ဒိ(ပ)ကေးက ဆိုပါတယ်။
အခုဆိုရင် သူဟာ ရဲ အစောင့်အကြပ်တွေ ထူထပ်နေတဲ့ ဒေလီကို ရောက်လာခဲ့ပြီ ဖြစ် ပါတယ်။
လူငယ်တွေရဲ့ အသံကို BJP အစိုးရက မျက်ကွယ်ပြုထားတယ်လို့ ဒီ လှုပ်ရှားမှုထဲ ပါဝင် ကြသူတွေက မြင်နေကြပါတယ်။ သူတို့ဟာ လူငယ်တွေ ရင်ဆိုင်နေရတဲ့ အခက်အခဲတွေလိုမျိုး လေးနက်တဲ့ အကြောင်းအရာတွေကို အစိုးရ နားထောင်လာအောင် ကြိုးစားတဲ့ တချိန်တည်းမှာပဲ၊ ဒီလှုပ်ရှားမှုရဲ့ မူလဖြစ်တဲ့ ဟာသ အမြင် သရော်တဲ့ ဟန်ပန်ကိုလည်း ဆက်ပြီး ထိန်းထားမယ်လို့ ဆိုပါတယ်။
အဓိပ္ပာယ်ကတော့ ဒေလီမှာ ချီတက်ကြတဲ့အခါ အရောင်စုံ အဝတ်အစားတွေနဲ့ ပိုးဟပ် မျက်နှာဖုံးတွေ တပ်တာမျိုး၊ လုပ်မယ်လို့ ဆိုပါတယ်။ သူတို့ အဓိက တောင်းဆိုနေတဲ့ အချက်ထဲမှာ အိန္ဒိယ ဗဟိုအစိုးရ ပညာရေးဝန်ကြီး နုတ်ထွက်ပေးဖို့လည်း ပါဝင်ပါတယ်။
ရန်ကုန်တိုင်း၊ လှိုင်မြို့နယ်က ရပ်ကွက်တချို့မှာ ဒီနေ့ မနက် ၆ နာရီခွဲခန့်မှာ စက္ကန့်ပိုင်းမျှ မြေကြီးတုန်ခါတဲ့အသံကြားရပြီး မြေကျွံမယ့်အန္တရာယ်ကိုစိုးရိမ်မိတယ်လို့ မြို့ခံတချို့ဆီက သိရပါတယ်။
"အပေါ်ဆုံးထပ်ကနေတောင် ဒုတ် ဒုတ် ဆိုတဲ့ အသံကိုကြားလိုက်ရတယ်။ မနက် ဟင်းချက်နေတဲ့ အချိန်ဆိုတော့ ဘေးမှာ အဆောက်အဦဖြိုတယ်လို့ထင်လိုက်တာ။ အိပ်ယာထဲလှဲနေတဲ့ အမျိုးသား ကတော့ ငလျင်လှုပ်သလိုခံစားရတယ်တဲ့။ ခဏလေးပဲ" လို့ လှိုင်မြို့နယ်၊ ၇ ရပ်ကွက်နေ အိမ်ရှင်မ တဦးက ပြောပါတယ်။
အင်းလျားကန်အနီး ကန်လမ်း၊ ၁၀ ရပ်ကွက်မှာနေထိုင်သူတချို့လည်း ဒီဖြစ်စဉ်ကိုသိလိုက်တယ်လို့ ဘီဘီစီကို ပြောပါတယ်။
ဒါပေမဲ့ ကန်လမ်းအနီး အင်းစိန်လမ်းမကြီးပေါ်က ၉ ရပ်ကွက် လူနေတိုက်ခန်းပေါ်မှာ နေထိုင်သူတွေ ကတော့ ဒီတုန်ခါမှုကို မသိလိုက်ဘူးလို့ ဆိုကြပါတယ်။
"အဲ့အချိန် မတ်တပ်ရပ်ရင်းဟင်းချက်နေတာပါပဲ၊ အသံလည်းမကြားရဘူး။ ဘယ်လိုမှ မနေဘူး" လို့ ၉ ရပ်ကွက်နေ အိမ်ရှင်မတဦးက ပြောပါတယ်။
ရန်ကုန်မြို့မှာ အထပ်မြင့်တိုက်ခန်းတွေထူထပ်လို့ မြေကျွံကျကာ၊ တိုက်တာပြိုကျတဲ့ ဖြစ်စဉ်တွေဖြစ်မှာ စိုးရိမ်တယ်လို့ လူမှုကွန်ရက်စာမျက်နှာပေါ်မှာလည်းရေးသားနေကြပါတယ်။
ဒါပေမဲ့ မိုးလေဝသနဲ့ ဇလဗေဒညွှန်ကြားမှုဦးစီးဌာနသာမက ထိုင်းရော အမေရိကန်ရဲ့ ငလျင်စောင့်ကြည့်ရေးဝဘ်ဆိုဒ်စာမျက်နှာတွေမှာပါ ဒီနေ့မနက်ပိုင်း ရန်ကုန်မြို့ကို ဗဟိုပြုပြီး ငလျင်လှုပ်ခတ်သွားကြောင်း ဖော်ပြတာ မတွေ့ရပါဘူး။ ဒီဖြစ်စဉ်နဲ့ပတ်သက်လို့ မြန်မာနိုင်ငံငလျင်ကော်မတီကို မေးမြန်းဖို့ကြိုးစားပေမဲ့ ဆက်သွယ်လို့ မရခဲ့ပါဘူး။
သမ္
📌 Kaynak
Bu özet BBC Burmese kaynağından otomatik derlenmiştir. Tamamı için orijinal habere gidin.
Orijinal haberi oku →