၂၀၂၆ ကမ္ဘာ့ဖလားအကြောင်း သိထားသင့်တဲ့အချက်တွေ
၂၀၂၆ ကမ္ဘာ့ဖလား ဟာ သက်တမ်းတစ်လျှောက် အထူးခြားဆုံး ကမ္ဘာ့ဖလားပြိုင်ပွဲ ဖြစ်သလို သိသင့်တဲ့ထူးခြားချက်တွေလည်းရှိနေပါတယ်။
မကြာခင်မှာ ကမ္ဘာ့ဖလား ပြိုင်ပွဲကြီး ကျင်းပပါတော့မယ်။ ဒီတကြိမ်ကျင်းပမယ့် ကမ္ဘာ့ဖလားပွဲဟာ အရင်နဲ့ မတူဘဲ ထူးခြားမှုတွေ ရှိနေပါတယ်။ ကမ္ဘာ့ဖလားပွဲစဉ်တွေကို ဘယ်လို ကျင်းပသွားမလဲ၊ ကမ္ဘာ့ဖလားအတွက် ဘယ်နိုင်ငံတွေက ခြေစစ်ပွဲ အောင်ထားပြီလဲစတဲ့ အကြောင်း အရာတွေအပါအဝင် သမိုင်းတလျှောက် အကြီးအကျယ်ဆုံး ဖြစ်လာမယ့် ကမ္ဘာ့ဖလားပြိုင်ပွဲနဲ့ ပတ်သက်တဲ့ သိထားသင့်တဲ့ အချက်တွေကို မျှဝေပေးသွားပါမယ်။
၂၀၂၆ ကမ္ဘာ့ဖလားပြိုင်ပွဲကို အမေရိကန်ပြည်ထောင်စု၊ ကနေဒါ နဲ့ မက္ကဆီကို နိုင်ငံတွေက အိမ်ရှင်အဖြစ် ပူးတွဲကျင်းပသွားမှာပါ။
ဒါဟာ ကမ္ဘာ့ဖလားသမိုင်းတလျှောက် ပထမဆုံးအကြိမ် နိုင်ငံ သုံးနိုင်ငံပေါင်းပြီး ကျင်းပတဲ့ ပြိုင်ပွဲကြီး ဖြစ်ပါတယ်။ ကမ္ဘာ့ဖလား အဖွင့်ပွဲစဉ်ကို ဇွန်လ ၁၁ ရက်နေ့၊ မက္ကဆီကို မြို့ မှာ ကျင်းပမှာ ဖြစ်ပြီး နောက်ဆုံးဗိုလ်လုပွဲကိုတော့ အမေရိကန်ပြည်ထောင်စု နယူးဂျာစီပြည်နယ်မှာ ကျင်းပမှာပါ။
ပြိုင်ပွဲမှာ ပထမဆုံးအကြိမ်အဖြစ် ၄၈ သင်း ဝင်ရောက်ယှဉ်ပြိုင်မှာ ဖြစ်ပြီး ရက်ပေါင်း ၃၉ ရက်အထိ ကြာမြင့်မှာဖြစ်ပါတယ်။
၁၉၉၄ ခုနှစ် ၊ အမေရိကန်နိုင်ငံမှာ ကျင်းပခဲ့တဲ့ ကမ္ဘာ့ဖလားပြိုင်ပွဲ ထက် နှစ်ဆ တိတိ အသင်းတွေ ပိုများလာတာပါ။ အသင်း ၄ သင်းစီပါတဲ့ အုပ်စု ၁၂ စုဖွဲ့ထားပြီး အနိုင်ရတဲ့ အသင်းတွေက ၃၂ သင်း ရှုံးထွက်အဆင့်ပွဲစဉ်အဖြစ် ယှဉ်ပြိုင်ရမှာပါ။
အမေရိကန်၊ မက္ကဆီကို နဲ့ ကနေဒါနိုင်ငံ သုံးနိုင်ငံက စုစုပေါင်း မြို့ ၁၆ မြို့မှာ ကမ္ဘာ့ဖလားပွဲစဉ်တွေ ကျင်းပသွားမှာပါ။ အမေရိကန်နိုင်ငံက မြို့ပေါင်း ၁၁ မြို့၊ မက္ကဆီကိုနိုင်ငံက မြို့ သုံး မြို့ နဲ့ ကနေဒါနိုင်ငံက မြို့ နှစ်မြို့ မှာ ကျင်းပသွားမှာ ဖြစ်ပါတယ်။
၂၀၂၆ ကမ္ဘာ့ဖလားကျင်းပမယ့် မြို့တွေ ကတော့ ဒီမြို့တွေဖြစ်ပါတယ်။
ပြီးခဲ့တဲ့နှစ် အောက်တိုဘာလဆန်းကစပြီး ပွဲကြည့်လက်မှတ်တွေကို ပထမအသုတ်အဖြစ် ရောင်းချခဲ့ပါတယ်။ ပရိသတ် ၄ ဒသမ ၅ သန်းလောက်က ဒီလက်မှတ်ကို ဝယ်ယူခွင့်ရဖို့ မဲနှိုက်ခဲ့ကြပါတယ်။
FIFA ကတော့ လက်မှတ်တန်ဖိုး အတိအကျ ကို ထုတ်မပြောထားပါဘူး။ အချိန်ကြာမြင့်စွာ စောင့်ဆိုင်းပြီးမှ လက်မှတ်ဝယ်ဖို့ မဲပေါက်ခဲ့တဲ့ ပရိတ်သတ်တွေကတော့ လက်မှတ်တန်ဖိုးကို အွန်လိုင်းပေါ် မှာ ဖော်ပြထားကြပါတယ်။
လက်မှတ်တန်ကြေးတွေက အမျိုးအစားလေးမျိုးခွဲခြားထားပါတယ်။ အမေရိကန်မှာ ကျင်းပမယ့် ပထမဆုံးပွဲစဉ်အတွက် လက်မှတ်ဈေးနှုန်းတွေကတော့ အမေရိကန်ဒေါ်လာ ၅၆၀ ကနေ ၂,၂၃၅ ကြားမှာ ရှိပါတယ်။
ဗိုလ်လုပွဲစဉ်အတွက် ဈေးအသက်အသာဆုံး လက်မှတ်ဈေးနှုန်းကတော့ အမေရိကန် ဒေါ်လာ ၂,၀၃၀ ဖြစ်ပြီး ဈေးအများဆုံး လက်မှတ်ဈေးနှုန်းကတော့ အမေရိကန်ဒေါ်လာ ၆,၀၀၀ ရှိပါတယ်။ အထူးတန်းလက်မှတ်တွေကတော့ မရောင်းချသေးပေမယ့် ပေါက်ဈေးကတော့ အတော်မြင့်မားနိုင်ပါတယ်။
တချို့ သိပ်နာမည်မကြီးတဲ့ မြို့တွေမှာ ကျင်းပတဲ့ အုပ်စုအဆင့်ပွဲစဉ်တွေ အတွက် လက်မှတ်ဈေးနှုန်းကတော့ အမေရိကန် ဒေါ်လာ ၆၀ ရှိပါတယ်။ ပွဲကျင်းပမယ့်နေ့ နီးလာရင်လည်း ထပ်ပြီး ဝယ်ယူလို့ရနိုင်ပါတယ်။ အရင်ရောက်တဲ့သူက အရင်ဝယ်ယူခွင့်ရမယ့် ပုံစံမျိုးပါ။
ဖီဖာက အခု ကမ္ဘာ့ဖလားပွဲစဉ်တွေအတွက် "dynamic pricing" စနစ်ကို အသုံးပြုပါတယ်။ ဆိုလိုတာက လူစိတ်ဝင်စားမှု မြင့်မားတဲ့ ပွဲတွေအတွက် လက်မှတ်ဈေးနှုန်းတွေက သတ်မှတ်ကာလ ကျော်သွားတဲ့ အခါ
📌 Kaynak
Bu özet BBC Burmese kaynağından otomatik derlenmiştir. Tamamı için orijinal habere gidin.
Orijinal haberi oku →