အိန္ဒိယရဲ့ နိုင်ငံရေးဇာတ်ကောင်သစ် - ပိုးဟပ်
အိန္ဒိယရဲ့ အသစ်ဆုံး နိုင်ငံရေးလှုပ်ရှားမှုကတော့ လူတစ်ဦးကို စော်ကားတဲ့စကားတစ်ခုကနေ စတင်ခဲ့ပြီး နောက်ဆုံးမှာတော့ လူတွေက ပိုးဟပ် (cockroach) လို ဝတ်ဆင်ပြီး ဂုဏ်ယူနေတဲ့အထိ ရောက်သွားခဲ့ပါတယ်။
ဓာတ်ပုံ ရင်းမြစ်, Screengrab from Cockroach Janta Party's website
အိန္ဒိယနိုင်ငံရေးလောကမှာ ထူးခြားတဲ့ လာဘ်ကောင် သင်္ကေတသစ်တစ်ခု ထွက်ပေါ်လာပါတယ်၊ အဲဒါကတော့ ပိုးဟပ်ပါ။
ဒါက အိန္ဒိယရဲ့ လက်ရှိအာဏာရပါတီဖြစ်တဲ့ ဘီဂျေပီပါတီ (Bharatiya Janata Party - BJP) ရဲ့ ကြာပန်းတံဆိပ် မဟုတ်သလို အတိုက်အခံ ကွန်ဂရက်ပါတီရဲ့ လက်ဝါးပုံတံဆိပ်လည်း မဟုတ်ပါဘူး။
ဒါပေမဲ့ ခေါင်းမာတယ်၊ ရွံရှာခံရတယ်၊ ဖျက်ဆီးရခက်တယ်လို့ ယူဆကြတဲ့ 'ပိုးဟပ်' သင်္ကေတဖြစ်ပါတယ်။ လတ်တလောကာလမှာ ထင်မှတ်မထားဘဲ ဒီပိုးဟပ်ဟာ အွန်လိုင်းပေါ်က အိန္ဒိယလူငယ်တွေအတွက် သူတို့ဘဝနဲ့ ဆက်စပ်လို့ရနိုင်တဲ့ နိုင်ငံရေးပြယုဂ်တစ်ခု ဖြစ်လာနေပါတယ်။
ဒီပိုးဟပ်ဟာ အိန္ဒိယရဲ့ တရားသူကြီးချုပ် ဆူရီယာခန့် ရဲ့ အငြင်းပွားဖွယ်မှတ်ချက်တွေ ထွက်ပေါ်လာပြီးနောက် ပြီးခဲ့တဲ့သီတင်းပတ်မှာ လူအများအာရုံစိုက်မှုရလာခဲ့တာပါ။
တရားရုံးကြားနာမှုတစ်ခုအတွင်း သူက သတင်းစာပညာနဲ့ တက်ကြွလှုပ်ရှားမှုဘက်ကို ဦးတည်သွားနေကြတဲ့ အလုပ်လက်မဲ့ လူငယ်တွေကို ပိုးဟပ်တွေ၊ ကပ်ပါးကောင်တွေနဲ့ နှိုင်းယှဉ်ပြောဆိုခဲ့တယ်လို့ ဆိုပါတယ်။
နောက်ပိုင်းမှာတော့ သူက ဒီမှတ်ချက်ဟာ အိန္ဒိယလူငယ်အားလုံးကို မရည်ညွှန်းဘဲ "အလိမ်အညာ ဘွဲ့လက်မှတ်အတု ကိုင်ဆောင်ထားသူတွေ" ကိုသာ ရည်ညွှန်းပြောဆိုတာဖြစ်တယ်လို့ ရှင်းလင်းပြောကြားခဲ့ပါတယ်။
ဒါပေမဲ့ ဒီမှတ်ချက်တွေဟာ အွန်လိုင်းပေါ်မှာ ကျယ်ကျယ်ပြန့်ပြန့် ပျံ့နှံ့သွားပြီး ဒေါသနဲ့တုံ့ပြန်မှုတွေ၊ လှောင်ပြောင်မှု မီးမ် (meme) တွေနဲ့အတူ "Cockroach Janta Party" (ပိုးဟပ်ပြည်သူ့ပါတီ) - CJP လို့ခေါ်တဲ့ ဟာသဆန်တဲ့ နိုင်ငံရေးလှုပ်ရှားမှုတစ်ခု ပေါ်ပေါက်လာခဲ့ပါတယ်။
ဒါဟာ CJP ဟာ တရားဝင်နိုင်ငံရေးပါတီတစ်ခုတော့ မဟုတ်ဘဲ "သရော်စာဆန်ဆန် အွန်လိုင်းအုပ်စု"တစ်ခုသာဖြစ်ပြီး အဖွဲ့ဝင်ဖြစ်ဖို့ သတ်မှတ်ချက်တွေထဲမှာအလုပ်လက်မဲ့ဖြစ်ရမယ်၊ ပျင်းရိရမယ်၊ အွန်လိုင်းပေါ်အမြဲရှိနေသူဖြစ်ရမယ်၊ "ပရော်ဖက်ရှင်နယ်ကျကျ စောဒကတက် ပြောဆိုနိုင်စွမ်းရှိရမယ်" ဆိုတဲ့ ဟာသဆန်တဲ့ စည်းကမ်းချက်တွေပါဝင်ပါတယ်။
ဒီအဖွဲ့ကို အဘီဂျိ ဒစ်ပ်ကေး က စတင်ဖန်တီးခဲ့တာဖြစ်ပြီး သူဟာ နိုင်ငံရေးဆက်သွယ်ရေး မဟာဗျူဟာပညာရှင်တစ်ယောက်ဖြစ်သလို ဘော်စတွန် တက္ကသိုလ်က ကျောင်းသားတစ်ဦးလည်း ဖြစ်ပါတယ်။ သူက ဒီစိတ်ကူးဟာ ဟာသအနေနဲ့ စတင်ခဲ့တာလို့ ပြောပါတယ်။
အမေရိကန်ကို မပြောင်းရွှေ့ခင်မှာတော့ သူဟာ Aam Aadmi Party (AAP) ပါတီနဲ့ အလုပ်လုပ်ခဲ့ဖူးပါတယ်။ AAP ဟာ အဂတိလိုက်စားမှုဆန့်ကျင်ရေး လှုပ်ရှားမှုကနေ ပေါ်ပေါက်လာတဲ့ နိုင်ငံရေးအဖွဲ့အစည်းဖြစ်ပြီး ဆိုရှယ်မီဒီယာအသုံးပြုမှု အားကောင်းတာကြောင့်လည်း လူသိများပါတယ်။
"ကျွန်တော်တို့အားလုံး စုစည်းပြီး ပလက်ဖောင်းတစ်ခုလောက် စလုပ်ရင် ကောင်းမလားလို့ တွေးခဲ့တာပါ" လို့ သူက ဘီဘီစီ မရသီဌာန ကို ပြောပါတယ်။
နောက်ဆက်တွဲကတော့ သူမျှော်မှန်းထားတာထက် အများကြီး ပိုကြီးမားသွားခဲ့ပါတယ်။
ရက်ပိုင်းအတွင်းမှာပဲ CJP ဟာ ဂူးဂဲလ်ဖောင်ဖြည့်ပြီး အဖွဲ့ဝင်စာရင်းပေးသွင်းသူ သောင်းနဲ့ချီ ရရှိခဲ့ပြီး #MainBhiCockroach ("ကျွန်တော်လည်း ပိုးဟပ်ပဲ") ဆိုတဲ့ hashtag လည်း ပေါ်ထွက်လာခဲ့ပါတယ်။ ဒါ့အပြင် အတိုက်အခံခေါင်းဆောင်တချို့ရဲ့ ထောက်ခံမှုကိုလည်း ရရှိခဲ့ပါတယ်။
ဒီလှုပ်ရ
📌 Kaynak
Bu özet BBC Burmese kaynağından otomatik derlenmiştir. Tamamı için orijinal habere gidin.
Orijinal haberi oku →