စစ်မှုထမ်းတွေ အိမ်ပြန်ခွင့်ရနေပြီလို့ TikTok ကနေ ဘယ်လိုဝါဒဖြန့်သလဲ
စစ်မှုထမ်းဥပဒေနဲ့ စစ်သားစုဆောင်းခံရသူတွေထဲမှာ ပထမဆုံးတပ်ထဲရောက်ခဲ့တဲ့ အပတ်စဥ် ၁ တပ် သားတွေကို စစ်မှုထမ်းသက် ၂ နှစ်ပြည့်လို့ အိမ်ပြန်ခွင့်ပြုနေပြီလို့ နည်းလမ်းမျိုးစုံနဲ့ စစ်တပ်က သတင်း ထုတ်လာပါတယ်။
စစ်မှုထမ်းဥပဒေနဲ့ စစ်သားစုဆောင်းခံရသူတွေထဲမှာ ပထမဆုံးတပ်ထဲရောက်ခဲ့တဲ့ အပတ်စဥ် ၁ တပ်သားတွေကို စစ်မှုထမ်းသက် နှစ်နှစ်ပြည့်လို့ အိမ်ပြန်ခွင့်ပြုနေပြီလို့ နည်းလမ်းမျိုးစုံနဲ့ စစ်တပ်က သတင်းထုတ်လာပါတယ်။
တိုင်းစစ်ဌာနချုပ်ကနေ ရပ်ကျေးအဆင့်အထိ စစ်မှုထမ်းအပတ်စဥ် ၁ နုတ်ထွက်ခွင့်ကို ထုတ်ပြဖို့ စနစ်တကျပြင်ဆင်တာတွေ့ရတယ်လို့ CDM စစ်သားအသိုင်းအဝိုင်းက ဆိုပါတယ်။
ဒီလို ပြင်ဆင်ပုံဖော်ထားတာကို စစ်တပ်က လူမှုကွန်ရက်တွေပလက်ဖောင်းတွေကပါ ဖြန့်ဝေလာတာ ဖြစ်ပါတယ်။
"TikTok မှာ စစ်တပ် မ တည်ထားတဲ့ ဝါဒဖြန့် Vlog တွေ(ဥပမာ ပျိုမေ Vlog) မှာ အိမ်ပြန်ခွင့်ရတဲ့ လူငယ်တွေရဲ့ အသံဆိုပြီး လုပ်တာတွေ့ရတယ်။ စစ်တပ်က ဒီဝါဒဖြန့်လုပ်ငန်းကို ကျွန်တော်တို့ ထင်ထားတာထက် ပိုပြီး လုပ်လာတာတွေ့ရတယ်" လို့ မြန်မာ့စစ်ဘက်ရေးရာနဲ့ လုံခြုံရေးဆိုင်ရာ လေ့လာရေးအဖွဲ့ MDSI ရဲ့ စစ်ဘက်ရေးရာ တာဝန်ခံ ကိုနောင်ရိုးက ပြောပါတယ်။
စစ်အာဏာသိမ်းပြီးနောက်ပိုင်း Facebook ကို စစ်တပ်ကပိတ်လိုက်လို့ မြန်မာမှာ လူသုံံးအများဆုံးဖြစ်လာတဲ့ TikTok ဟာ စစ်တပ်ထောက်ခံသူ၊ စစ်တပ်မီဒီယာနဲ့ အမျိုးသားရေးသမားတွေရဲ့ အဓိကဝါဒဖြန့် ပလက်ဖောင်းတစ်ခုဖြစ်လာတယ်လို့ မြန်မာအင်တာနက်ပရောဂျက်(MIP) က ဆိုပါတယ်။
၂၀၂၄ ခုနှစ်၊ ဖေဖော်ဝါရီ ၁၀ ရက်မှာ စစ်မှုထမ်းဥပဒေပြဋ္ဌာန်းပြီး ပထမဆုံးအပတ်စဥ်ကို ဧပြီ ၈ ရက်မှာ စတင်ခဲ့ပါတယ်။
အပတ်စဥ်တစ်ခုကို အယောက် ၅၀၀၀ ခေါ်ယူမယ်လို့ ပြောခဲ့ပေမဲ့ လက်ရှိအချိန်အထိစုဆောင်းထားတဲ့ အရေအတွက်အတိအကျကို တပ်ကထုတ်ပြန်ပြောဆိုလာတာမတွေ့ရပါဘူး။
CDM စစ်သားတွေနဲ့ ဖွဲ့စည်းထားတဲ့ မြန်မာ့စစ်ဘက်ရေးရာနဲ့ လုံခြုံရေးဆိုင်ရာ လေ့လာရေးအဖွဲ့ MDSI ကတော့ လစဥ်ပျမ်းမျှ ၄၈၀၀ ဦး စစ်မှုထမ်းနဲ့ ခေါ်ခံရတယ်လို့ ခန့်မှန်းထားပါတယ်။
၂၀၂၆ ဧပြီ ရောက်လာချိန်မှာတော့ အပတ်စဥ် ၁ နဲ့ တပ်ထဲရောက်တဲ့လူငယ်တွေရဲ့ အိမ်ပြန်ချိန် ရောက်လာပါတယ်။
စစ်မှုထမ်းသင်တန်း အမှတ်စဥ် ၁ ဆင်း တပ်ဖွဲ့ဝင်တွေကို အိမ်ပြန်ခွင့်ပြုတဲ့ အရေအတွက်ကို သိရဖို့ စစ်ကော်မရှင်ရဲ့ ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌရုံးကို ဘီဘီစီက ဆက်သွယ်ခဲ့ပေမဲ့ ဖုန်းလက်ခံ ဖြေဆိုတာမရှိပါဘူး။
ဧပြီ ၃ ရက်တုန်းကတော့ ကယား(ကရင်နီ) ပြည်နယ်၊ လွိုင်ကော်မြို့မှာ ရှိတဲ့ ဒေသကွပ်ကဲရေးစစ်ဌာနချုပ်(ဒကစ) မှာ စစ်မှုထမ်း အမှတ်စဉ် ၁ တပ်သား ၃၈၅ ဦးရဲ့သတ်မှတ် ကာလပြီး မြောက်အောင် တာဝန်ထမ်းဆောင်ခဲ့တဲ့အတွက် ဂုဏ်ပြုအခမ်းအနားပြုလုပ်ခဲ့တယ်လို့ စစ်ကော်မရှင်က သတင်းထုတ်ပါတယ်။
"ကရင်နီမှာ အပတ်စဥ် ၁ သင်တန်းဆင်းကာလတုန်းက တိုက်ပွဲပြင်းထန်လို့ ခွဲတမ်း ၆၀၀ လောက်ရမယ့် သဘောရှိတယ်။ ခွဲတမ်း ၆၀၀ မှာ ၃၈၅ ယောက်ပဲ ရှင်တယ်ဆိုတဲ့ သဘောဖြစ်တယ်" လို့ CDM ဗိုလ်ကြီးဇင်ယော်က ပြောပါတယ်။
တပ်တွင်းသတင်းပေးကတဆင့် ရရှိတဲ့ အချက်အလက်အရ လွိုင်ကော် ဒကစနဲ့ လက်အောက်ခံတပ်တွေကို အင်အား ၅၀ ဦးဆီ ဖြန့်ခွဲပေးခဲ့ တယ်လို့ သူက ပြောပါတယ်။
ဒီတပ်သားတွေ တာဝန်ထမ်းဆောင်ချိန်ပြည့်မြောက်လို့ ပြန်လာချိန်မှာ "သူတို့(စစ်တပ်)ရဲ့ ဖော်ပြချက်အရကိုပဲ ၃၈၅ ဦးပြန်ထွက်ခွင့်ပေးတာတွေ့ရတယ်။ ဒီထဲကမှ တစ်ရာကျော်လောက်က EA 1,2 ဆိုတဲ့ ရန်သူ့တိုက်ခိုက်မှုကြောင့် ခြေလက်စွန့်လွှတ်ရသူတွေ၊ ဒဏ်ရာအပြင်းထန်ရသူတွေပါတယ်လို့ တပ်တွင်းသတင်း
📌 Kaynak
Bu özet BBC Burmese kaynağından otomatik derlenmiştir. Tamamı için orijinal habere gidin.
Orijinal haberi oku →