‘म हरेक नेताहरूलाई चाप्लुसी गर्नेहरू चिन्ने गुण दिन्थें’

जुनकिरीहरू हामीबाट हराउँदै गइरहेको छ । यो कुरा असाध्यै धेरै नराम्रो हो ।

विराटनगरमा रहेर कन्टेन्ट क्रियसनमा सक्रिय रहेका सरोज कार्की ‘प्रोजेक्ट कुरा’ नामक युट्युब च्यानल चलाउँछन् । जहाँ उनी सामाजिक, राजनीतिक, आर्थिक तथा शैक्षिक लगायतका विविध विषयमा भिडियो बनाउने गर्छन् स्पष्ट, साहसी र सत्यमुखी स्वभावका उनी पत्रकारिता पनि गर्छन् । यसपटक उनै सरोजसँग अनलाइनखबरले दिलै खोलेर कुराकानी गरेको छ ।

निर्वाचनपछि हामीले संसदमा जुन नयाँ नयाँ अनुहार देख्यौँ, त्यो कुराले मलाई एकदम खुसी दिएको थियो । चलिरहेको एउटा चक्र थियो, कम्तीमा त्यो तोडियो । यो एउटा आशा कुरा पनि हो ।

दिक्क बनाएको कुरा चाहिं हामी जुनकिरीको विषयमा एउटा कन्टेन्ट गरिरहेका छौँ, फिल्ड रिपोर्ट सहितको । त्यसका लागि विभिन्न ठाउँमा गइरहेका छौं । तर, जहाँ गएपनि जुनकिरी कम हुँदै गएको, हराउँदै गएको भन्ने छ । म बस्ने नजिकै पोखरी छ । त्यहाँ पहिले जुनकिरी धेरै देखिन्थे । त्यहाँ पनि एकदम कम मात्रामा जुनकिरी देखियो । यसरी जुनकिरीहरू हामीबाट हराउँदै गइरहेकाछन् । यो कुरा असाध्यै धेरै नराम्रो हो ।

जुनकिरी नै हो । किनभने जति धेरै यसको बारेमा खोज्यो, त्यति धेरै ‘एक्साइटमेन्ट’ भइरहेको छ । कुरा गर्न थाल्ने हो भने त म घण्टौंसम्म कुरा गर्न सक्छु । त्यति धेरै एक्साइटमेन्ट बनाएको छ मलाई । सो अरू त केही हुनै सक्दैन । अहिले जुनकिरी नै हो ।

सामाजिक रुपमा हाम्रो समाज जस्तो बनेको छ, जसरी जोडिएको छ – अनि हरेक गतिविधिहरूमा, संस्कार अनि चाडपर्वहरूमा हाम्रो जुन सामाजिक सम्बन्ध बनेको छ – यो कुरा एकदमै गजब लाग्छ मलाई । नराम्रो कुरा भनेको चाहिँ हाम्रो समाज अलि बढी भाग्यवादमा विश्वास गर्छ । ‘सबै कुरा भाग्यकै खेल हो । रोग लाग्यो भने पनि भाग्यको कुरा, दुर्घटना भयो भने पनि भाग्यको कुरा’ यसरी भाग्यवादमा गएर विश्वास गर्ने कुरा चैं मलाई हाम्रो समाजको नराम्रो पक्ष लाग्छ

पत्रपत्रिका र अनलाइन कत्तिको हेर्नुहुन्छ ? पत्रकारिता तपाईंलाई कस्तो लाग्छ ?

पत्रपत्रिका अलि कम हेर्छु । कुनै ठाउँमा कसैलाई पर्खनु पर्दा त्यहाँ टेबलमा पत्रिका छ भने हेरिन्छ । होइन भने अनलाइन नै हेरिन्छ । बिहान उठ्ने बित्तिकै पनि अनलाइन नै हेर्छु । अब आफ्नो पेशा वा पढाइ जे भने पनि पत्रकारिता नै भएकाले मलाई त पत्रकारिता गजब लाग्छ । लामो समयदेखि म यसै क्षेत्रमा छु । तर समस्या वा निराशा त्यतिखेर हुन्छ, जतिखेर पत्रकारले पत्रकारिता बाहेक सबै कुरा गरिरहेको देख्छु । अथवा मिडियाले पनि उसको आफ्नो धर्मभन्दा बाहिरको कुरा गरिरहेको देख्छु । तर वास्तवमै पत्रकारिता गरिरहेका पत्रकार र मिडियाहरू देख्दा भने खुसी लाग्छ।

इतिहासमा फर्किएर आफूले गरेको कुनै काम फेरि गर्न पाए वा सुधार गर्न पाए कुन कामलाई सुधार गर्नुहुन्थ्यो ?

उम्… सायद म अलि बढी यात्रा गर्थेँ हुँला । १८-१९ वर्षदेखि नै म यात्रामा निस्कन्थेँ । हामी यस्तो ठाउँमा छौं कि हामीसँग स्वदेशसँगै भारतमा घुम्न पनि सजिलो एक्सेस छ । यात्रा गर्न सस्तो पनि छ । २५ वर्ष पुग्दा म नेपाल र इन्डियाको सबै ठाउँ घुमिसक्थे हुँला ।

बढी खेलेको खेल फुटबल नै हो