Fem direktørar på Oslo universitetssjukehus – 29 på Haukeland

Sjukehusa i Helse Vest har desidert størst «direktørtettleik». Oslo universitetssjukehus har ti gonger fleire tilsette per direktør enn Haukeland i Bergen.

FLEST DIREKTØRAR: Helse Bergen, med Haukeland universitetssjukehus, har 29 direktørar – langt fleire enn alle andre helseføretak i landet.

Ingen andre helseføretak har fleire direktørar enn Helse Bergen, som driv Haukeland universitetssjukehus: heile 29 personar med direktørtittel.

NRK har denne veka kartlagt at kvar tiande direktør i helseføretaka får dekka pendling og pendlarbustad, men at det varierer sterkt kva pendlargode direktørane har.

Den dyraste pendlaren bur i Oslo og hadde i fjor både firmabil og pendlarbustad i Tønsberg.

Les også Kvar tiande direktør fekk betalt pendling i fjor – den dyraste pendla Oslo–Tønsberg

Men det er også stor variasjon i kor mange direktørar helseføretaka i det heile tatt har.

Forskjellen i direktør-tettleiken mellom Oslo universitetssjukehus og Helse Bergen er ganske slåande.

Sjølv om Oslo universitetssjukehus har over dobbelt så mange tilsette som Helse Bergen.

Oslo universitetssjukehus har fem direktørar. Storleiken på ringen illustrerer dei over 25.000 tilsette.

Det betyr at i gjennomsnitt har Oslo universitetssjukehus éin direktør per 5000 tilsette.

Helse Bergen har 29 direktørar. Storleiken på ringen illustrerer dei rundt 14.000 tilsette.

Per direktør har altså Oslo universitetssjukehus ti gonger fleire tilsette enn Haukeland.

– Det skal eg vere varsam med å kommentere, seier styreleiar Rune Haugsdal i Helse Bergen.

– Er det vanskelegare å styre Helse Bergen enn andre helseføretak?

– Det veit eg ikkje. Samanlikna med andre store helseføretak har Helse Bergen relativt få leiarnivå.

– Målet var at toppleiarane skulle ha stort fokus på drift, altså pasientbehandling. Derfor er det veldig mange som rapporterer til administrerande direktør.

Helse Bergen har altså mange leiarar i nivået rett under toppsjefen.

– Dette er kanskje litt av bakgrunnen for talet på direktørtitlar, seier Haugsdal.

Styreleiar Rune Haugsdal i Helse Bergen (arkivfoto frå ein annan samanheng).

I august byrjar Marit Lieng som ny administrerande direktør for Helse Bergen. Ho kjem faktisk frå ei direktørstilling nettopp ved Oslo universitetssjukehus.

– Ho har tung fagleg- og leiarkompetanse og erfaring frå andre helseføretak, mellom anna Oslo universitetssjukehus. Eg trur ho, ved å sjå ting litt utanfrå, vil tilføre oss gode vurderingar. Så får vi sjå kva ho vil tilrå vidare, seier Haugsdal, og held fram:

– Så eg reknar med at ho vil gå gjennom og sjå på ei formålstenleg or