छलफलमा मानक नेपाली शब्दकोश

विज्ञहरूले नेपाली भाषाको प्रयोगमा एकरूपता ल्याउनका लागि एक सर्वमान्य शब्दकोशको आवश्यकतामाथि जोड दिएका छन्। काठमाडौंमा आयोजित 'मानक नेपाली शब्दकोश किन र कस्तो' नामक कार्यक्रममा सहभागीहरूले नेपाल प्रज्ञा प्रतिष्ठानले प्रकाशन गरेका शब्दकोशहरू पनि पूर्ण रूपमा मानक बन्न नसकेको धारणा व्यक्त गरे। हिमाल एसोसिएसनद्वारा आयोजित यस कार्यक्रममा प्रस्तुत कार्यपत्रमा लेखक भिक्टर प्रधानले प्रज्ञा प्रतिष्ठानको शब्दकोशको दशौं संस्करणको समेत समीक्षा गरेका थिए।

मानक शब्दकोशले नेपाली भाषाको शुद्ध र एकरूप प्रयोगमा सहयोग पुर्‍याई सञ्चारलाई सहज बनाउँछ।