सुनापति-शैलुङ पदमार्ग सम्भाव्यता अध्ययन, छोटो दुरीको आकर्षक गन्तव्य

नेपाल पर्यटन बोर्डले सुनापति र शैलुङ क्षेत्रको पदमार्ग विकासका लागि स्थलगत अध्ययन सम्पन्न गरेको छ । यस अध्ययनले उक्त क्षेत्रलाई एकीकृत पर्यटकीय गन्तव्यको रूपमा स्थापित गर्न सकिने बलियो सम्भावना औंल्याएको छ । धार्मिक, सांस्कृतिक र ऐतिहासिक महत्त्व बोकेको यो क्षेत्र प्राकृतिक सौन्दर्यले पनि उत्तिकै भरिपूर्ण छ । छोटो दूरीमा नै धेरै पर्यटकीय आकर्षणहरू समेट्न सकिने भएकाले यसलाई नयाँ गन्तव्यको रूपमा विकास गर्न सकिने निष्कर्ष निकालिएको छ । स्थानीय स्रोत र साधनको उचित व्यवस्थापन गर्न सकेमा यो पदमार्ग आन्तरिक तथा बाह्य पर्यटकका लागि आकर्षक बन्ने अपेक्षा गरिएको छ ।

यो अध्ययनले नयाँ पर्यटकीय गन्तव्यको पहिचान गर्दै स्थानीय अर्थतन्त्र र पर्यटन प्रवर्द्धनमा टेवा पुर्‍याउने सम्भावना देखाएको छ।