एभरेस्ट महिला भलिबल लिगको तेस्रो संस्करण असोजमा हुने

नेपालको पहिलो महिला फ्रेन्चाइज भलिबल प्रतियोगिता, एभरेष्ट महिला भलिबल लिग (EWVL), को तेस्रो संस्करण आगामी असोज महिनामा आयोजना हुने भएको छ। आयोजक इन्फिनिटी ड्रिम्स प्रालिले सार्वजनिक गरेको तालिका अनुसार यो प्रतियोगिता असोज ८ देखि १७ गतेसम्म काठमाडौंमा सञ्चालन हुनेछ। खेलहरू त्रिपुरेश्वरस्थित राष्ट्रिय खेलकुद परिषद्को कभर्डहलमा खेलाइने निर्णय गरिएको छ। विभिन्न फ्रेन्चाइज टोली र सरोकारवालाहरूसँगको आवश्यक परामर्शपछि दशैंअघि नै प्रतियोगिता सम्पन्न गर्ने गरी मिति तय गरिएको हो। यसअघिका संस्करणहरू जस्तै यसपटक पनि महिला भलिबलको विकासमा यो प्रतियोगिताले महत्वपूर्ण भूमिका खेल्ने अपेक्षा गरिएको छ।

यो प्रतियोगिताले नेपालमा महिला भलिबलको व्यावसायिक विकास र खेलाडीहरूको प्रतिभा प्रस्फुटनका लागि महत्वपूर्ण मञ्च प्रदान गर्दछ।