कविता, संगीत, नृत्य प्रस्तुतिसँगै ‘कायेराज् कलम’ को १० औँ संस्करण सम्पन्न

ललितपुरको झम्सिखेलस्थित द गार्डेन्समा 'कायेराज् कलम' साहित्यिक मञ्चको १०औँ संस्करण भव्यताका साथ सम्पन्न भएको छ। यस विशेष कार्यक्रममार्फत मञ्चले आफ्नो स्थापनाको दोस्रो वार्षिकी पनि मनाएको छ। कार्यक्रममा हिना कोइराला, अमित घर्ती, कायेरा र निलो धागोलगायतका स्रष्टाहरूले आफ्ना सिर्जनाहरू प्रस्तुत गरेका थिए। सांगीतिक प्रस्तुतिमा फोल्कोट्रोनिक्स ब्यान्डका साथै संगीतकार निगम आचार्य र प्रशान्तको सहभागिता रहेको थियो। कविता, संगीत र नृत्यको त्रिवेणीका रूपमा रहेको उक्त कार्यक्रमले कलाप्रेमीहरूलाई एकै ठाउँमा ल्याउने प्रयास गरेको छ।

साहित्यिक र सांगीतिक गतिविधिहरूलाई प्रवर्द्धन गर्दै नयाँ पुस्ताका कलाकारहरूलाई मञ्च प्रदान गर्ने उद्देश्यले यस्ता कार्यक्रमहरूले सांस्कृतिक विकासमा महत्त्वपूर्ण भूमिका खेल्छन्।